សប្តាហ៍មោទនភាព និងទិវាបញ្ឈប់ការរើសអើងអ្នកស្រឡាញ់ភេទដូចគ្នា

ថ្ងៃ១៧ ខែឧសភា ជាថ្ងៃនៃទិវាអន្តរជាតិបញ្ឈប់ការរើសអើងអ្នកស្រឡាញ់ភេទដូចគ្នា អ្នកប្តូរយេនឌ័រ និងអ្នកស្រឡាញ់ទាំងពីរភេទ ដែលបណ្តាញជាច្រើននៅលើពិភពចាប់ផ្តើមប្រារព្ធតាំងឆ្នាំ២០០៤មកទល់បច្ចុប្បន្ន ដើម្បីឱ្យមានការយកចិត្តទុកដាក់ចំពោះអំពើហិង្សា និងការរើសអើងចំពោះអ្នកស្រឡាញ់ភេទដូចគ្នា។ ការជ្រើសរើសថ្ងៃនេះ ដើម្បីរំលឹកទៅដល់សេចក្តីសម្រេចរបស់អង្គការសុខភាពពិភពលោកនៅឆ្នាំ១៩៩០ ដែលដកការស្រឡាញ់ភេទដូចគ្នាចេញពីប្រភេទជំងឺផ្លូវចិត្ត។ ថ្ងៃនេះគឺជាសក្ខីភាពដ៏ឧត្តុងឧត្តមសម្រាប់សហគមន៍អ្នកស្រឡាញ់ភេទដូចគ្នាដោយបង្ហាញថា អត្តសញ្ញាណពួកយើងគឺធម្មតា ហើយមិនមែនជាជំងឺនោះទេ។ សម្រាប់ប្រទេសកម្ពុជាវិញ សប្តាហ៍នៃថ្ងៃទី១៧ ខែឧសភា គឺផ្តល់អត្ថន័យបន្ថែមទៀតសម្រាប់សហគមន៍អ្នកស្រឡាញ់ភេទដូចគ្នា នោះគឺការរៀបចំកម្មវិធី សប្តាហ៍មោទនភាពភ្ជាប់ជាមួយទិវាសកលនេះ។ សប្តាហ៍មោទនភាពគឺជាកំណើតនៃសហគមន៍ឥន្ទធនូកម្ពុជា ហើយវាគឺជាថ្ងៃរំលឹកពួកយើងដែលមាននិន្នាការភេទ និងអត្តសញ្ញាណយេនឌ័រផ្សេងៗគ្នា មិនត្រូវស្អប់ខ្លួនឯង មិនត្រូវប្រឆាំងខ្លួនឯង និងឈប់រស់នៅក្នុងភាពអាម៉ាស់តទៅទៀត។ យើងប្រារព្ធពិធីនេះដើម្បីបង្ហាញទៅកាន់សាធារណជនអំពីវត្តមានរបស់ពួកយើងនៅក្នុងប្រទេសកម្ពុជា ​ហើយពួកយើងទាមទារឲ្យមានការទទួលស្គាល់ ការគោរព ការបណ្តុះនូវសេចក្តីស្រឡាញ់ក្នុងភាពជាមនុស្សជាតិ និងរួមគ្នាកសាងសង្គមមួយដ៏កក់ក្តៅសម្រាប់ប្រជាជនទាំងអស់។

ចាប់តាំងពីឆ្នាំ២០០៩ ការប្រារព្ធសប្តាហ៍មោទនភាពមានសកម្មភាពជាច្រើនដូចជា ការសម្តែងសិល្បៈ បុរាណសម័យ សហសម័យ រៀបចំពិព័ណ៌ សកម្មភាពសេវាសង្គម សិក្ខាសាលា និងកិច្ចសន្ទនាជាមួយតំណាងមន្ត្រីរាជរដ្ឋាភិបាលថ្នាក់ជាតិស្តីពីការគាំទ្រផ្នែកច្បាប់ និងគោលនយោបាយសាធារណៈចំពោះសហគមន៍អ្នកស្រឡាញ់ភេទដូចគ្នា។​

[1]What is May 17? https://may17.org/about/

Look back at our Pride Celebration !

Please leave this field empty

Oh hi there 👋
It’s nice to meet you.

Sign up to receive awesome content in your inbox.

Email Address *

We don’t spam! Read our privacy policy for more info.

Check your inbox or spam folder to confirm your subscription.