ខ្ញុំទទួលយក

យុទ្ធនាការ “ខ្ញុំទទួលយក” មានគោលបំណងជម្រុញឱ្យមានសមភាពច្បាប់អាពាហ៍ពិពាហ៍ សម្រាប់ដៃគូស្ត្រីស្រឡាញ់ស្ត្រី បុរសស្រឡាញ់បុរស អ្នកស្រឡាញ់ទាំងពីរភេទ និងអ្នកប្តូរយេនឌ័រ (LGBT+) នៅ ក្នុងប្រទេសកម្ពុជា។ យុទ្ធនាការនេះធ្វើការលើកកម្ពស់ការយល់ដឹង និងការទទួលយកពីសាធារណៈចំពោះអ្នកស្រឡាញ់ភេទដូចគ្នា (LGBT+) និងចូលរួមចំណែកជម្រុញ ការការពារផ្នែកច្បាប់នៃសមភាពអាពាហ៍ពិពាហ៍សម្រាប់ដៃគូអ្នកស្រឡាញ់ភេទដូចគ្នា ស្របនឹងឆន្ទៈរាជរដ្ឋាភិបាលនៅ ក្នុងយន្តការត្រួតពិនិត្យស្ថានភាពសិទ្ធិមនុស្សជាសកល តាមកំណត់ហោថា យូ ភី អ។

យុទ្ធនាការនេះនឹងលើកយកសម្លេងនិងសាច់រឿងនៃសហគមន៍អ្នកស្រឡាញ់ភេទដូចគ្នា នៅ ក្នុងប្រទេសកម្ពុជា រួមទាំងក្រុមគ្រួសារ ឪពុកម្តាយរបស់ពួកគេ អ្នកគាំទ្រដែលនៅគ្រប់វិស័យ និងសាធារណជនទូទៅ នៅ ជុំវិញប្រទេស តាមរយៈសារព័ត៌មាន និងបណ្តាញព័ត៌មានសង្គម ដើម្បីទទួលបានការយល់ដឹង ការទទួលស្គាល់ និងការគាំទ្របន្ថែមទៀត ចំពោះភាពសំខាន់នៃការទទួលបាន សមភាពច្បាប់អាពាហ៍ពិពាហ៍សម្រាប់ដៃគូអ្នកស្រឡាញ់ភេទដូចគ្នាក្នុងប្រទេសកម្ពុជា។

ដូចទៅ នឹងមនុស្សគ្រប់គ្នា ដៃគូអ្នកស្រឡាញ់ភេទដូចគ្នាចង់រៀបការជាមួយអ្នកដែលគេស្រឡាញ់ បង្កើតគ្រួសារ តាមគន្លងប្រពៃណីទំនៀមទំលាប់ខ្មែរ និងទទួលបានសំបុត្រអាពាហ៍ពិពាហ៍ ដែលអាចឱ្យក្រុមគ្រួសារបស់ពួកគេមានការទទួលស្គាល់ និងការពារដោយច្បាប់ស្មើគ្នា ក្រោមដំបូលនៃព្រះរាជាណាចក្រកម្ពុជា។

ឯកសារសំខាន់អំពីយុទ្ធនាការនេះ ៖

អ្វីជាយុទ្ធនាការ "ខ្ញុំទទួលយក" ? ៖ ភាសាខ្មែរ | ភាសាអង់គ្លេស

អនុសាសន៍ យូ.ភី.អ អំពីសិទ្ធិអ្នកស្រឡាញ់ភេទដូចគ្នាដែលរាជរដ្ឋាភិបាលកម្ពុជាបានទទួលយកនៅ ក្នុងជុំទី៣ ៖ ភាសាខ្មែរ | ភាសាអង់គ្លេស

សន្ទានុក្រមអំពីសិទ្ធិអ្នកស្រឡាញ់ភេទដូចគ្នា ៖ ខ្មែរ និង អង់គ្លេស

កញ្ចប់ព័ត៌មាន៖ ភាសាខ្មែរ | ភាសាអង់គ្លេស