សារ៉ា កាទីន

សារ៉ា ចាប់ផ្តើមធ្វើការនៅរ៉ក់នៅក្នុងឆ្នាំ២០២១ ដោយធ្វើការគាំទ្រដល់ការងារតស៊ូមតិរបស់រ៉ក់ ដើម្បីបន្តលើកកម្ពស់សមភាពសម្រាប់សហគមន៍អ្នកស្រឡាញ់ភេទដូចគ្នានៅប្រទេសកម្ពុជា រួមបញ្ចូលទាំងការជួយគាំទ្ររជាយុទ្ធសាស្រ្ដនៅក្នុងយន្តការត្រួតពិនិត្យឡើងវិញជាសកលតាមកាលកំណត់ និងយន្តការសិទ្ធិមនុស្សផ្សេងទៀតនៃអង្គការសហប្រជាជាតិ ក៏ដូចជាគាំទ្រក្រុមការងារទៅលើផ្នែកយុទ្ធសាស្ត្រ និងអនុវត្តន៍នូវយុទ្ធសាស្ត្រ របស់យុទ្ធនាការ «ខ្ញុំទទួលយក»- “I Accept” ដែលជាយុទ្ធនាការសមភាពអាពាហ៍ពិពាហ៍នៅកម្ពុជា។ មុនពេលមកធ្វើការនៅរ៉ក់ សារ៉ា ធ្លាប់បានធ្វើការជាមួយអង្គការសង្គមស៊ីវិល នៅក្នុងប្រទេសកម្ពុជា ដែលធ្វើការលើផ្នែកសិទ្ធិអ្នកស្រឡាញ់ភេទដូចគ្នា សិទ្ធិមនុស្សនិងសិទ្ធិកុមារតាំងពីឆ្នាំ២០១៨។ នាង បានទទួលសញ្ញាប័ត្រអនុបណ្ឌិតផ្នែកសិទ្ធិមនុស្ស និងសកម្មភាពមនុស្សធម៌ ពីសាលា Sciences Po Paris School of International Affairs ប្រទេសបារាំង។