ការចងក្រងសហគមន៍

ចុះភូមិនិងស្នាក់នៅ

រ៉ក់ ប្រើប្រាស់ការចុះទៅតាមមូលដ្ឋាន និងការស្នាក់នៅតាមផ្ទះសមាជិកសហគមន៍ដើម្បីស្ថាបនាចំណងទំនាក់ទំនង និងដើម្បីកសាងចំណងទំនាក់ទំនងរវាងជំនាន់ ទីតាំង និងអត្តសញ្ញាណមនុស្សខុសៗគ្នា។ សកម្មភាពទាំងអស់នេះជួយបណ្ដុះវប្បធម៌នៃការចែករំលែកចំណីអាហារផ្ទះសម្បែង និងរឿងរ៉ាវផ្សេងៗពីគ្នាទៅវិញទៅមក។ នេះគឺជាវិធីមួយសម្រាប់ឱ្យសមាជិករ៉ក់ អាចយល់ចិត្តគ្នាទៅវិញទៅមក និងចែករំលែកយុទ្ធសាស្ត្រ​ដោះស្រាយបញ្ហាដែលរៀនបទពិសោធន៍របស់ខ្លួនកន្លងមក។

ការជួបជុំសមាជិកសកម្ម

ការពង្រឹងភាពអង់អាចមិនមែនមានន័យត្រឹមតែជាការរៀនសូត្រ ប៉ុណ្ណោះទេ ប៉ុន្តែក៏ជាការរក្សាជំរុញទឹកចិត្តគ្នាទៅវិញទៅមកផងដែរ។ ការជួបជុំប្រចាំត្រីមាសរបស់សមាជិកសកម្ម អនុញ្ញាតឱ្យសមាជិកសកម្ម និងក្រុមការងារ ផ្ដល់ការគាំទ្រផ្លូវចិត្ត និងផ្លូវកាយឱ្យគ្នាទៅវិញទៅមកក្នុងភាពក្រុមរ៉ក់តែមួយ។ ក្នុងការជួបជុំទាំងអស់នេះក្រុមរ៉ក់ ចែករំលែកព័ត៌មានថ្មីៗពីស្ថានភាពរបស់ខ្លួន និងរៀនសូត្រអំពីប្រធានបទថ្មីៗពាក់ព័ន្ធជាមួយគោលដៅការតស៊ូមតិរួមគ្នា ឧទាហរណ៍ដូចជា៖ ច្បាប់ក្នុងព្រះរាជាណាចក្រកម្ពុជា លិខិតតុបករណ៍សិទ្ធិមនុស្ស និងកិច្ចពិគ្រោះយោបល់អំពីសមាជិកភាពជាដើម។

កម្មវិធីប្រពៃណីវប្បធម៌

ផ្នត់គំនិតបុរេនិច្ឆ័យទូទៅមួយចំនួនទៅលើអ្នកស្រឡាញ់ភេទដូចគ្នា ក្នុងប្រទេសកម្ពុជាដោយចាត់ទុកថា អ្នកស្រឡាញ់ភេទដូចគ្នា គឺជារឿងប្រឆាំងធម្មជាតិ និងប្រឆាំងវប្បធម៌ ហើយចាត់ទុកថាយើងជាមនុស្សខុសប្រក្រតី។
រ៉ក់សង្ឃឹមថានឹងអាចបំបែកការយល់ខុសទាំងអស់នេះបានតាមរយៈការបង្វែរផ្នត់គំនិតអវិជ្ជមានទាំងអស់នេះឱ្យក្លាយទៅជាផ្នត់គំនិតវិជ្ជមាន។ យើងព្យាយាមធ្វើយ៉ាងណាឱ្យវត្តមានរបស់យើងត្រូវបានគេមើលឃើញនៅថ្នាក់មូលដ្ឋាន ដោយប្រើប្រាស់គោលវិធីបែបវប្បធម៌ និងបែបសាសនារបស់កម្ពុជាដើម្បីផ្លាស់ប្តូរគំនិតរបស់ប្រជាជនស្ដីពីសហគមន៍អ្នកស្រឡាញ់ភេទដូចគ្នា ។ ព្រមជាមួយគ្នានោះ សកម្មភាពនេះក៏ជួយពង្រឹងទំនាក់ទំនង និងសាមគ្គីភាពរបស់សមាជិកយើងផងដែរ ដោយហេតុថា យើងមកពីសាសនាផ្សេងគ្នា និងមករួមដៃគ្នាដើម្បីបង្កើន ការយល់ដឹងរបស់មនុស្សដែលកំពុងរស់នៅក្នុងតំបន់របស់មិត្តភក្ដិយើង។